РУСКИ КЕРЕСТУР – Рускокерестурски „Русин” вчера, 5. марца, на своїм Ярашу бавел остатнє пририхтуюце приятельске змаганє пред початком ярнєй часци першенства и победзел ФК „Червинка” аж зоз 6:3. На полчаше було 5:0 за „Русин”.
Ґоли на вчерайшим змаганю за „Русин” дали Боян Бранкович три, Давид Катона два и єден Ненад Кончар.
Змаганю у ярнєй часци першенства у Подручней фодбалскей лиґи Зомбор-Бачка Паланка „Русин” почина на нєдзелю, 12. марца, з госцованьом у Бачкей Паланки процив домашнєй екипи „Кридла Країни”.