У римокатолїцкей церкви у Коцуре преславена Велька ноц

автор злк
794 Опатрене

КОЦУР – Вчера, 1. априла, у римокатолїкей церкви у Коцуре преславена Велька ноц. Паноцове Кароль Сабадий и Карло Милер у церкви пошвецели коло 40 вельконоцни кошарки котри парохиянє принєсли до церкви.

Дзеци котри ходза на виронауку, после Служби Божей, отримали кратку програму на тему Воскресеня Исуса Христа. На програми дзеци шпивали и рецитовали, а у стихох було описане Исусово страданє и воскресенє. Програма, котру з дзецми порихтала Ґабриєла Зупко, була на сербским и мадярским язику.

По законченю програми шицки дзеци у церкви достали пакецики и чоколадного заячка, котри обезпечели и пририхтали паноцове и члени Церковного одбору римокатолїцкей церкви.

 

ПОВЯЗАНИ ТЕКСТИ