ШИД – Општина Шид вчера розписала конкурс за прияву проєктох у култури хтори ше финансує и софинансує з буджету локалней самоуправи. Конкурс отворени по 8. фебруар до 15 годзин.
З проєктами, хтори маю буц витворени найпознєйше до конца того рока, можу конкуровац здруженя и орґанизациї у култури и други субєкти у култури, крем установох хторим Општина Шид снователь.
Мож конкуровац з проєктами з обласци музичней творчосци, аматерскей творчосци, библиотекарско-информацийней дїялносци, културно-образовней дїялносци, защити културних доброх, з обласци сценскей творчосци, визуалней уметносци, кинематоґрафиї и авдио-визуалней творчосци.
Подробнейши информациї о конкурсу и формалари за приявйованє мож найсц на сайту Општини Шид – www.sid.rs.