КОЦУР – На порядней схдзки Скупштини Фодбалского клубу (ФК) „Искра” з Коцура, хтора отримана всоботу, 4. фебруара у сали коцурскей Месней заєднїци, присутни члени прилапели звити о роботи Клубу у прешлим року, змаганьох и о финансийох, як и план роботи ФК у тим року.
„Искра” єшеньску часци першенства у Медзиопштинскей фодбалскей лиґи Бачка Тополя-Мали Идьош-Вербас-Бечей закончела на першим месце, а як поведзене, за успих найзаслужнєйши бавяче, алє и нова управа Клубу, хтора поставела рационални приоритети у роботи.
Позитивне було и финансийне дїлованє, бо на концу рока остало 141 000 динари, хтори буду вихасновани за розпочати роботи на реновираню стадиону и за купованє опреми.
„Искра” ше у тим року, кед означує и 105 роки постояня, намага пласовац до висшого ранґу змаганя – до Суботицкей лиґи, гаврене на Скупштини.