НОВИ САД – Ютрейши ТВ Маґазин почнє зоз информациями о цеку виберанкох за нови зволаня националних совитох националних меншинох хтори буду отримани на нєдзелю, 4. новембра.
Телевизийни Маґазин звекшого будзе пошвецени означованю 10-рочнїци Заводу за културу войводянских Руснацох у чиїх рамикох орґанизована рижнородна програма, як и прилоги зоз сайму кнїжкох у Беоґрадзе и концертох хтори отримали КУД „Жатва” и КУД „Карпати”.
Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).