НОВИ САД – У ютрейшим ТВ Маґазину будзе емитовани прилог зоз 16. Фестивала малих сценских формох „Дюра Папгаргаї” и Фестивала европского и нєзависного филма „Еуро ин филм 2018”.
У часци хтора пошвецена польопривреди будзе слова о тим як прешла сезона на керестурских рибаловох.
Будзе емитовани и прилог о тим як наймладши Керестурци означели швето св. отца Миколая, як и о вибудови лифта у Ґеронтолоґийним центре у Вербасу.
У емисиї будзе слова и о промоциї кнїжки Миколи Шанту „Панонска потвора” и о округлим столє на тему „Економски фактори и їх уплїв на положенє националних меншинох у локалних заєднїцох” хтори нєдавно отримани у Новим Садзе.
Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).