У Ґимназиї означени Медзинародни дзень мацеринского язика

автор влдї
998 Опатрене

ШИД – У Ґимназиї „Сава Шуманович“ у Шидзе, з пригодну програму вчера означени Медзинародни дзень мацеринского язика.

У порядней настави у Ґимназиї ше, окрем сербского язика, виучує анґлийски, русийски, нємецки и латински язик, а як виборни предмети руски и словацки язик.

През красне слово, поезию и шпиванку, представени сербски, анґлийски, словацки, русийски, нємецки, горватски, ромски и руски язик.

Руснацох представяла школярка першей класи Ґимназиї Мина Шеремет, з писню „Тополї“ Єлени Солонар, а як госц наступел и Давид Гирйоватий, школяр штвартей класи ОШ „Бранко Радичевич“ зоз Шиду, котри рецитовал писню „Дїдово унуки“ Михайла Ковача.

У Ґимназиї ше Медзинародни дзень мацеринского язика – 21. фебруар, означує дзевятираз, а пририхтую го школяре и професоре тей образовней установи.

ПОВЯЗАНИ ТЕКСТИ