РУСКИ КЕРЕСТУР – Вчера, 11. юния, Здруженє спортских рибарох „Коляк” з Руского Керестура орґанизовало свойо традицийне змаганє у лапаню риби на дуґов. Змаганє було на беґелю Дунай-Тиса-Дунай, а участвовали 23-ойо змагателє з Керестура, Кули, Крушчичу и Лалитю.
У катеґориї кадетох змагали ше шесцеро млади рибаре и треце место завжал Алекса Стоянович, друге Никола Максимович, а перше место освоєла прешлорочна побиднїца Єлена Фейди, з 1 280 ґрамами лапеней риби.
У катеґориї сениорох було 17-еро змагательох и треце место завжал Мирон Лазор, друге Златимир Рамач, а перше Мирко Фекете зоз 3 680 ґрамами лапеней риби.
По законченю трогодзинового змаганя за шицких учашнїкох и членох Здруженя у їх лєтнїковцу на базену порихтани полудзенок, дзе побиднїком уручени награди, а шицки кадети достали и символични дарунки и дипломи.