КОЦУР – Вчера, 13. юния, коцурски Фодбалски клуб „Искра” на домашнїм терену процив ФК „Червинка” зоз истоменого места, бавела реванш змаганє баражу за пласман до Войводянскей лиґи сивер и страцела зоз 5:1.
Єдини ґол за „Искру” на тим змаганю дал Даниєл Радулович.
„Искра” ше нє пласовала до финалу баражу понеже „Червинка” победзела и у першим змаганю и зоз вкупним резултатом 7:1 заслужено ше пласовала до финалу.
ФК „Червинка” у финалу баража за пополньованє Войводянскей лиґи сивер будзе бавиц процив побиднїка другого полуфиналного пару котри творя ОФК „Вербас” и „Будучносц” зоз Младенова. Реванш змаганє помедзи тоти два екипи на програми нєшка у Младенове, а после першого змаганя ОФК „Вербас” ма предносц понеже перше змаганє победзел зоз 1:0.