ВЕРБАС – Всоботу, 14. януара, зоз Службу Божу у каплїци Манастиру шестрох служебнїцох Непорочней Дїви Мариї у Коцуре означене швето Василия Велького, а члени Трецого василиянского чину обновели свойо завити.
Службу служел о. Платон Салак з Кули, ЧСВВ, а присуствовала векшина членох тей заєднїци, хтора уж роки постої у Коцуре и чишлї скоро штерацец членох.
О. Салак у казанї бешедовал о Василийови Велькому, а на концу Служби члени заєднїци пред священїком обновели пришагу о завитох. З тим почал и молебен до Василия Велького, на хтори ше члени заєднїци збераю кажду трецу нєдзелю у мешацу.
