НОВИ САД – Скупштина Городу Нови Сад на своєй порядней схадзки 29. септембра принєсла Ришенє о виборе предсидателя, заменїка предсидателя и членох Совиту за медзинационални одношеня Городу Нови Сад.
До Совиту вибрани дзешецеро члени, за предсидателя Совиту вибрани Иґор Пейчич, представитель сербского народу, а за заменїцу предсидателя Едвина Ердеди, представителька мадярскей националней меншини.
До Совиту за медзинационални одношеня Городу Нови Сад вибрани и Миломир Шайтош з Нового Саду, як представитель рускей националней меншини, а на предкладанє Националного совиту Руснацох.
У Совиту за медзинационални одношеня Городу Нови Сад пецеро представителє сербского народу, два представительки мадярскей и по єден представитель горватскей, рускей и словацкей националней меншини.
Совит вибрани на мандат од пейц роки.