Шарчевич: Униформи у шицких школох за два роки

автор тнґ/мар  фото маф
896 Опатрене

БЕОГРАД – Министер просвити науки и технолоґийного розвою Младен Шарчевич виявел вчера же потримує инициятиву за уводзенє школских униформох, алє додал же потребни найменєй два роки же би тота пракса зажила у шицких основних школох у Сербиї.

– То будзе тирвац найменєй два роки, понеже зме свидоми же нєт досц пенєжи и нє будземе тоту обовязку наруцовац на силу, алє ше потрудзиме же бизме, през пременки закона хтори буду прилапени барз пошвидко, до конца мешаца, видзели цо школи можу сами поробиц – гварел Шарчевич.

На питанє новинарох же чи шицки школяре у Сербиї буду мац исти униформи,  министер одвитовал, же то, по його думаню, безсмислове.

– Кажда школа будзе мац свой идентитет и о тим буду вєдно одлучовац родичи, школяре и наставнїки у школи – наглашел Шарчевич и дополнєл же коло 55 одсто школох у Сербиї потримали инициятиву за ношенє школских униформох.

 

 

ПОВЯЗАНИ ТЕКСТИ