ВЕРБАС – Основна школа „Светозар Милетич” у Старим Вербаше пияток, 15. юния, подаровала вецей як 600 кнїжки Културно-просвитному дружтву „Карпати”.
„Карпатом” подаровани углавним кнїжки за штредню школу и узша фахова литература з обласци лингвистики; зборнїки, брошури, есеїстична литература. Медзи нїма и руски авторе, алє и Чопич, Андрич…преложени по руски.
Таки красни ґест Школа направела з идею же Дружтво „Карпати” место дзе „кнїжки буду жиц”. Вибор кнїжкох направела учителька Славица Мали, а на дарунку подзековал предсидатель КПД „Карпати” Славко Барановски.