Школа спорту Данила Нярадия у гуманитарней акциї

автор але
774 Опатрене

ВЕРБАС – Єденасти родзени дзень Школи спорту „Джампер“ з Вербасу преславени вчера у духу гуманитарней акциї за Лазара Зарубицу, котри у коми, а змаганє символично наволане „Будзенє“.

Дзеци од два по дванац роки ше змагали у штирох спортских дисциплинох – обегованю, руцаню ракети, дриляню скутеру и преходзеню през препреченя на полиґону, а котизация бул добродзечни прилог за гуманитарну акцию.

Вецєй як 200 дзеци з цалей општини участвовали на тей спортскей подїї, а Школа спорту, у сотруднїцтве з велїма спонзорами, орґанизовала музику, аниматорох и дзецински маски, а дзелєни и беджи, сладоляд, кекси и соки за учашнїкох.

Тренер и руководитель Школи Данило Няради гварел же Школа уплаци и дополнююци средства, наглашуюци же треба думац на тих хторим помоц найпотребнєйша.

ПОВЯЗАНИ ТЕКСТИ