Школяре зоз Суботици нащивели Коцур

автор злк
910 Опатрене

КОЦУР – Вчера, 20. септембра, Коцур нащивели школяре штвартей класи ОШ „Кизур Иштван” зоз Суботици и з тей нагоди обишли ОШ „Братство-єдинство“, грекокатолїцку, римокатолїцку и православну церкву, як и Етно-клуб „Одняте од забуца“.

Вшадзи их дочекали домашнї, котри им бешедовали о историї церквох, мултикултуралносци у валалє и о народох котри ту жию.

Подла хвиля и диждж нє дошлєбодзели же би школяре обишли и „Искров” стадион и канал ДТД.

Нащива школярох закончена зоз заєднїцким полудзенком у школяра з Коцура Желька Перенчевича, котри два роки ходзел до спомнутей школи у Суботици и так нахвалєл Коцур же цала класа, з учительку, орґанизовано пожадала нащивиц тото нашо место.

12-Nasciva-02

ПОВЯЗАНИ ТЕКСТИ