ШИД/БИКИЧ – Пондзелок, 18. септембра, у местох шидскей општини до основней школи рушели коло 100 дзеци з фамелийох миґрантох, медзи нїма и до школи у Бикичу.
Школяре-миґранти розпоредзени до подручних школох ОШ „Сримски фронт” у Соту и Бикичу, до матичней ОШ „Бранко Радичевич” у Шидзе, до ОШ „Вук Караджич” у Адашевцох и єй подручних оддзелєньох, як и до ОШ „Филип Вишнїч” у Моровичу и Вишнїчеве.
До Школи у Бикичу на наставу буду ходзиц дзевецеро дзеци-миґранти, а домашнї школяре за нїх пририхтали и пригодну програму.
На програми присуствовали и представителє Школскей управи Нови Сад, началнїк Општинскей управи Ромко Папуґа и Небойша Илич, котри у Општини Шид задлужени за миґрантски питаня. Шицких присутних привитал предсидатель Совиту Месней заєднїци Бикич Деян Бобаль.