НОВИ САД – У ютрейшим ТВ Маґазину буду емитовани звити з ювилейного концерту новосадского Хору „Гармония”, зоз стретнуца младих у коцурским Каритасу, пририхтани прилог о тим як ше прави крижму за кресцини, о Томиславови Джуньови з Нового Орахова, котрому спорт гоби, як и о Новакових з Вербасу, котрим квеце постало фамелийна робота.
По законченю Маґазину, на 21 годзин почне майски „Широки план”, тераз пошвецени 25-рочнїци емитованя того фамелийного маґазину по руски.
Реприза ТВ Маґазину будзе такой на пондзелок вноци на 2 г. и на штварток на 21,30 г. (после емисиї „Добри вечар, Войводино”).
Реприза „Широкого плану” будзе на пондзелок на 9 и на соботу на 16 годзин.