Ютре после ТВ Маґазина будзе „Широки план”

автор ртв/ядю
1.1k Опатрене

НОВИ САД – У нєдзельовим ТВ Маґазину будзе емитована часц Вельконоцней служби з Катедралней церкви св. оца Миколая у Руским Керестуре, як и прилог як Предшколска установа „Бамби” зоз Кули тих дньох зоз програмами по шицких оддзелєньох преславела свой 23. родзени дзень.

Тиж так, пририхтани и звит зоз преподаваньох котри на Филозофским факултету и у Заводзе за културу войводянских Руснацох отримал др Томаш Квока з Польскей, и зоз керестурскей школи хтора, у сотруднїцтве зоз Центром за промоцию науки и у рамикох їх проєкта „Криейшнс”, 28. марца орґанизовала годзина програмованя.

У ютрейшим ТВ Маґазину будзе емитовани и прилог з Миклошевцох о актуалней ситуациї у школстве у тим месце и о тим як Миклошевчанє вязани за церкву, а вони, вєдно зоз Петровчанями, буду и госци фамелийного маґазина „Широки план”, котри будзе емитовани такой после ТВ Маґазина.

Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).

ПОВЯЗАНИ ТЕКСТИ