КУЛА – Кулска филияла Националней служби за обезпечованє (НСЗ) роботи орґанизує саям на котрим буду понукнути коло 150 роботни места. Саям будзе ютре, 22. марца, у просторийох Мадярского културного центру „Непкер” од 11 до 13 годзин.
Саям ше орґанизує пре потреби роботодавательох, найглєданши роботнїки у текстилней индустриї, за продукцию обуї, вожаче шицких катеґорийох, економисти, правнїки, роботи у обласци осиґураня, шлосере, маґационере, комерциялисти, рижни роботнїки у продукциї, а можу ше приявиц особи шицких образовних профилох.
Безплатни превоз орґанизовани зоз шицких местох кулскей општини з поряднима автобуснима линиями превознїка „Путоказ”, потребне указац особну карточку и евиденцийни картон НСЗ.