НОВИ САД – Покраїнска влада на вчерайшей схадзки прилапела информацию о витвореню явних приходох и приманьох АП Войводини за перши тогорочни шейсц мешаци, по хторей як явни приходи и приманя наплацени 182,3 милиярди динари, цо 10,8 милиярди динари вецей як влонї у истим чаше, односно звекшанє за 6,3 одсто.
Од порцийох, таксох, надополнєньох и других буджетних приходох наплацени 121,5 милиярди динари, док приходи за обовязне социялне осиґуранє виноша 60,8 милиярди динари. Трансферни средства з других уровньох власци за перши тогорочни шейсц мешаци були 23,7 милиярди динари.
З цалосних явних приходох и трансферних средствох з других уровньох власци до буджету Републики Сербиї унапрямени 79,2 милиярди динари, до буджету АП Войводини 30,6 милиярди динари, до општинских буджетох 12,7 милиярди, а до городских 19,7 милиярди. За ЯП „Драги Сербиї” опредзелєни 3 милиярди динари.
Город Нови Сад розполагал з найвецей средствами – 9,6 милиярди, а з найменєй општина Опово – зоз 121,3 милиярди динари.