БЕОҐРАД – Убудуце, бенефицийни роботни стаж у Министерстве нукашнїх дїлох буду мац лєм полицає котри маю статус овлаценей службеней и унифомованей овласценей особи, а з тим ше утаргнє бенефицийни стаж за роботнїкох у администрациї, наявел министер нукашнїх дїлох Небойша Стефанович, а преноши Танюґ.
– Кед дахто роби у администрациї, його робота нє опасна, а за полицайох, котри ше каждодньово викладаю опасним ситуацийох, мушиме обезпечиц пенєж же би нє були очкодовани. То чежка робота, з хторей людзе иду до пензиї на 54-55 роки – потолковал министер Стефанович.
Министер наявел снованє окремного оддзелєня у криминалистичней полициї, хторе ше будзе занїмац з проблемами насилства у фамелиї, прето же злоставянє женох проблем на чиїм ришованю ше треба окреме анґажовац.