БЕОҐРАД – Нєт нїяки политични затримованя, лебо проблеми за прилапйованє Акцийного плана за национални меншини, хтори часц прегваряцкого Поглавя 23 з Европску унию, алє ше пожнї пре технїчни питаня, гварела шеф Тиму за прегварки Сербиї з Европску унию Таня Мищевич.
Интересованє за виробок Плану вельке, вельо єст и усоглашованя, алє анї єдно питанє нє остало нєотворене, гварела Мищевичова на схадзки Одбору за европски интеґрациї Скупштини Сербиї.
– Акцийни план представени у конвенту, алє проблем вельке число учашнїкох котри муша дац финансийни звит. Єст 49 таки институциї и три тижнї ше пробує позберац формулари. Нєт политичного затримованя, лєбо проблеми, роби ше лєм о технїчним питаню – потолковала Таня Мищевич.
На истей схадзки министерка за европски интеґерациї Ядранка Йоксимович гварела же за Сербию важне же би ше цо скорей отворело Поглавя 23 и 24, бо з тим будзе простору за отверанє ище найменєй штирох поглавйох до конца рока.