Ана Римар отримала солистични концерт

автор апа; фото вев
1.2k Опатрене

НОВИ САД – Вчера, 17. мая, у шветочней сали Ґимназиї „Исидора Секулич” у Новим Садзе, Ана Римарова отримала солистични концерт. Концерт задумани як свойофайтови дарунок школи хтору Ана закончела пред шейсцома роками.

Ана Римар шпивац почала у новосадким Хору „Гармония”, а соло-шпиванє учела у Музично-едукативним центре „Carpe diem” у Новим Садзе, у класи професорки Милици Майсторац, а потим при професорки Даниєли Дьордєвич у Шпивацко-едукативним центре „Magic voice”.

На концерту Римарова перше одшпивала три шпиванки з Хором „Гармония”, под дириґенством Весни Кесич Крсманович, и у дуету з Йоакимом Гаргайом, а вец  ище єденац гит-шпиванки од Селин Дион, Лари Фабиан и Єлени Томашевич.

На концерту шпивали и Цветана Маґлов, Ана Марич и Нена Црновчич, котри вєдно з ню уча шпиванє у спомнутим центре.

ПОВЯЗАНИ ТЕКСТИ