Аґрар „вредни” пейц милиярди долари

автор ртв
870 Опатрене

НОВИ САД – Вредносц польопривредней продукциї у Сербиї у 2016. року виноши коло пейц милиярди америцки долари, цо за коло 8 одсто вецей як прешлого року, указую перши оцени аґрарних фаховцох.

У 2016. року вкупна вредносц реализованей рошлїнскей продукциї у Сербиї була 3,38 милиярди, цо представя рост од 13,46 одсто у одношеню на 2015. рок, з учасцу 67,57 одсто у витвореней бруто вредносци польопривредней продукциї, наводзи портал Аґросмарт, поволуюци ше на вияви польопривредних аналитичарох.

Додава ше же вредносц реализованей статкарскей продукциї у Сербиї була на нїзшим уровню як прешлогочна и виношела 1,62 милиярди долари, так же участвує з 32,43 одсто у витвореней цалосней вредносци польопривредней продукциї.

Кед ше тогорочни урожаї поровна з прешлорочним просеком, рошлїнска продукция у 2016. року була на уровню просеку, наводзи ше у анализи, з надпомнуцом же прешлогочна продукция основних рошлїнских културох була под просеком и значнєйше знїжела основу у вреднованю тогорочней продукциї.

ПОВЯЗАНИ ТЕКСТИ