НОВИ САД – Здруженє „БалканИДЕА“ розписало поволанку за участвованє на обуки за писанє роботней биоґрафиї, мотивацийного писма и пририхтованє за интервю за доставанє роботи, а можу ше приявиц млади од 15 по 25 роки з Нового Саду и сушедних местох.
Обуку ше витворює у рамикох проєкту „Живи информатор“, хтори информує младих о професийох и схопносцох хтори им потребни за доставанє роботи у конкретних обласцох, а хтори млади розвиваю з участвованьом на рижних роботньох.
Приявиц ше мож до пиятку, 11. новембра, а обука будзе на соботу, 13. новембра од 10 до 14 годзин у просторийох Инфополису (Площа шлєбоди 3).
Заинтересовани ше можу приявиц на е-адресу zivi.informator@gmail.com, а у прияви треба написац мено, презвиско, рок народзеня и контакт телефон.