НОВИ САД – Сотруднїцтво Покраїнского секретарияту за спорт и младеж и покраїнских фахових спортских союзох будзе на висшим уровню, а ресорни секретарият убудуце будзе водзиц рахунку о способе финансованя спортских союзох и клубох у Войводини, поведзене на схадзки нового Покраїнского секретара Владимира Батеза з представителями войводянских фахових спортских союзох .
– Гоч дотераз нє було ясней координациї медзи фаховима союзами и клубами хтори ше финансує з буджету АПВ, то од тераз нє будзе пракса. Буджет за тот рок уж потрошени, алє робим на злєпшаню стану хтори зме нашли, же бизме у наиходзацим периодзе вимирели шицки обовязки – гварел Батез.
Як сообщела Покраїнска влада, покраїнски секретар Батез прешлого тижня отримал схадзки и з представителями шицких 45 локалних самоуправох у Войводини, з котрима тиж бешедовал о злєпшаню системи спорту на локалу, а у складзе з одредбами Закона о спорту.