ДЮРДЬОВ – У 12. колу єшеньскей часци першенства Подручней фодбалскей лиґи Нови Сад, внєдзелю 20. октобра на дюрдьовским стадиону отримани општински дерби. Дзешатопласовани ФК „Бачка 1923” з Дюрдьова дочекал осмопласовани ФК „ЖСК” з Жаблю и победзел ю зоз резултатом 2:1 (1:1)
Ґол за Бачку посцигли Дюрич у 36. минути и Тривунович Душан у 50. минути. После того змаганя ФК „Бачка 1923” на таблїчки Подручней фодбалскей лиґи на дзевятей позициї и з вкупно шеснац бодами.
У шлїдуюцим, 13. колу, ФК „Бачка 1923” будзе госцовац у Ветернику и бавиц з пиятопласованим ФК „Ветреник”. Змаганє ше отрима на нєдзелю 27. октобра з початком на 14 годзин.
