КОЦУР – Коло коцурскей Основней школи „Братство єдинство” вчера почало обнавянє бетонских поверхносцох, а бетонованє финансує Каритас нашого Апостолского еґзархату, у рамикох проєкту Зменшованє ризику од природних нєпогодох. Проєкт ше запроводзує у сотруднїцтве з Каритасом Сербиї, а роботи у коцурскей школи коштаю тисяч еври.
Як виявела директорка Славица Байор, Школа сама мушела принєсц одлуку же хтори проблем риши з додзелєних средствох, а понеже бетон опрез и коло школи, та дражка до школского двору барз су руйновани, буду виляти бетонски дражки поверхносци вецей як сто квадратини метери.
Пре терашню хвилю нє мож предвидзиц кеди роботи буду закончени, а пре велькосц инвестициї, до финансованя ше уключи и локална самоуправа.