ШИД – На турнире у столним тенису, хтори у рамикох 25. Спортских бавискох „Яша Баков” всоботу, 14. мая отримани у Спортским центре у Шидзе, участвовали седем екипи зоз Сербої и Горватскей.
У екипи були по троме столнотенисере, змагало ше по системи кажде з каждим и перше место освоєла перша екипа КПД „Иван Котляревски” з Бикичу, хтору творели Драґан Барна, Деян Ґрбич, Драґан Данґузов и резервни бавяч Милош Тиосавлєвич.
Друге место освоєла екипа з Петровцох, треце з Миклошевцох (обидва з Горватскей), штварте екипа СД „Русин” з Руского Керестура, пияте „Папивинґ” з Вербасу, шесте екипа КПД „Дюра Киш” зоз Шиду, а седме друга екипа КПД „Иван Котляревски” з Бикичу.
Орґанизаторе турниру були Спортске здруженє Спортски бависка „Яша Баков” и КПД „Иван Котляревски” з Бикичу.
