ШИД – У 15. колє Општинскей фодбалскей лиґи Шид ОФК Бикич на госцованю у сушедним Соту победзел тамтейшу екипу Братство зоз 3:0.
ОФК Бачинци на госцованя у Ямени бавели 1:1 процив Ґраничара, шидска Єднота прешвечлїво страцела у Вишнїчеве од Гайдука зоз 7:1, а Сримец з Беркасова на домашнїм терену страцел 0:2 од Омладинца з Батровцох.
На таблїчки ОФК Бикич и далєй на другим месце зоз 34 бодами, ОФК Бачинци треци зоз 30 бодами, Єднота шеста з 24, а Сримец осми з 21 бодом.
У 16 колє, на нєдзелю, ОФК Бикич будзе бавиц провиц Ґраничару, Єднота дочекує водзаци Напредак, а Сримец одходзи на госцованє до Ґибарцу процив Синдєличу.