ШИД – У 18. колє Општинскей фодбалскей лиґи Шид, фодбалере ОФК Бикичу на госцованю у Моловину победзели тамтейши Омладинєц з 1:0.
У дерби-змаганю, Бачинци процив водзацого Напредку з Вашици бавели нєришено 2:2, а шидска Єднота дома бавела 0:0 процив Бинґули.
Змаганє у Вишнїчеве медзи Гайдуком и беркасовским Сримцом одложене.
На таблїчки ОФК Бикич и далєй на другим месце зоз 42 бодами, ОФК Бачинци штварти з 37, Єднота шеста з 28, а Сримец дзевяти з 20 бодами и змаганьом менєй.
У 19. колє ОФК Бикич дочекує Єдинство з Люби, ОФК Бачинци бави процив Омладинца з Моловину; Сримец дочекує Напредак, а Борец з Илинцох будзе бавиц процив Єдноти.