ШИД – У 15. колє Општинскей фодбалскей лиґи Шид фодбалере ОФК Бикич на госцованю у Беркасове победзели Сримец аж зоз 6:1.
Бачинци дома победзели Братство зоз Соту з 3:1, а шидска Єднота, тиж на домашнїм терену победзела Єдинство з Люби з 5:1.
На таблїчки ОФК Бикич и далєй на другим месце з 37 бодами, а за Гайдуком, хтори ма 41 бод. ОФК Бачинци пияти з 26, Єднота шеста з 25, а Сримец предостатнї, єденасти, з трома бодами.
На нєдзелю у 16. колє ОФК Бикич дочекує ОФК Бинґулу, ОФК Бачинци у Люби бави процив Єдинства, Єднота госцує у Вишнїчеве процив Гайдука, а Братство зоз Соту дочекує Сримец.