БЕРКАСОВО/БИКИЧ/БАЧИНЦИ – Нєшка, на Вельки пияток, покладанє плащанїци и хованє Исуса у церкви у Беркасове будзе на 15 годзин, а у Бикичу на 17 годзин.
На нєдзелю, на Вельку ноц Служба Божа з пошвецаньом паскох, хтору будзе служиц парох о. Владимир Еделински Миколка, у Бикичу будзе на осем, а у Беркасове на 10,30 годзин.
На Други дзень швета Служба Божа у Бикичу будзе на 9, а у Беркасове на 10,30 годзин. Служба у Беркасове будзе и на Треци дзень Велькей ноци, на 10,30 годзин.
Вчера, на Вельки штварток, парох о. Дарко Рац у Бачинцох на 18 годзин служел Вечурню зоз Службу Божу Святого Василия Велького, а нєшка, на Вельки пияток, на 15 годзин будзе Вечурня з покладаньом плащанїци до Христового гроба.
На ютре, на Вельку соботу Всаночне на 20 годзин, а на Вельку ноц Служба Божа з пошвецаньом паскох будзе на 10 годзин.
На Други дзень Велькей ноци, на пондзелок, Служба Божа з мированьом у Бачинцох будзе на 10 годзин, як и на Треци дзень.