НОВИ САД – На схадзки Скупштини Городу Нови Сад, хтора отримана всоботу, 4. юлия, одборнїки прилапели ребаланс буджету, хтори векши за 16,3 одсто и тераз виноши 23,2 милиярди динари.
Член Городскей ради за финансиї Деян Мандич гварел же пре зменшанє референтних каматних стопох по хторих Нови Сад пласує пенєж, чечуци приходи менши за 40 милиони динари.
Опозиция на схадзки критиковала же у буджету єст вше менєй пенєжи, та виоставаю вельки проєкти а, як гварели, у Новим Садзе нєт анї инвеститорох, анї инвестициї.
Одборнїки бешедовали и о звитох о дїлованю даскелїх городских подприємствох у прешлим року.