РУСКИ КЕРЕСТУР – Школяре секциї мини рукомету у Основней школи „Петро Кузмяк” були домашнї турниру на котрим участвовали и дзеци зоз Оджаку и Крущичу.
Вкупно участвовали коло 50-еро дзеци зоз трох местох, бавели кажде зоз каждим и посцигнути красни резултати. За шицки екипи барз значне же участвовали на таким турниру, понеже векшини то було праве перше змаганє и нагода же би ше опробовали и преверели у потераз наученим.
Орґанизацию турниру помогли родичи домашнїх дзецох, вони пририхтали закуску и ошвиженє за шицких учашнїкох.
Секцию мини рукомету у Руским Керестуре водза тренер Славко Надь и старша рукометашка Марияна Сивч, предвидзена є за дзеци од першей по штварту класу, а заинтересовани ше можу приключиц ище вше.
Тренинґи ше отримую у школскей физкултурней сали каждого вовторку од 16,45 и штвартками од 17 годзин.