КРУЩИЧ – У Крущичу вчера закончена Општинска смотра дзецинскей театралней творчосци и представа „Васо Пикасо” Дзецинскей ґрупи Драмского студия АРТ Дому култури Руски Керестур ше пласовала на Зонску смотру. Представу по тексту Саву Шкобича режирала Ксения Бодянец.
Попри спомнутей, селектор Општинскей смотри, режисер Владимир Надь Ачим одредзел же ше на Зонску смотру пласовали и дзецински представи КУД „Крущич” з Крущичу, Мадярского културного центру „Непкер” з Кули и Културного центру Кула.
На Општинскей смотри участвовали осем театрални витвореня, медзи нїма вчера наступели и дзеци з Руского КУД „Др Гавриїл Костельник” з Кули, з представу „Одата за витор” Роберта Такарича, у режиї Александри Лендєр.