МИКЛОШЕВЦИ – На Дзень залюбених, 14. фебруара пополадню, за дзеци младшого и школского возросту у Дружтвеним доме у Миклошевцох Дружтво „Нашо дзеци” орґанизовало маскенбал.
Миклошевске Дружтво „Нашо дзеци” уж стаємни орґанизатор фашенґох у валалє, а дзеци и їх родичох привитала предсидателька Дружтва Мария Папуґа. Програму зоз забавнима змистами водзела волонтерка Дружтва и водителька його бавискарнї Леся Мудри.
З тей нагоди наймладши танцовали з балонами, змагали ше у танцу шерца, була и томбола, дзе главну награду – тротинет, достала Оля Гудак, школярка штреднєй школи.
За учашнїкох и припатрачох мацери дзецох, членїци Дружтва „Нашо дзеци”, за маскенбал пририхтали бухти и соки, а видзени рижнородни костими. Найприбранши були наймладши учашнїки, а за їх красни випатрунок ше остарали їх мацери.
