БАЧИНЦИ – У нашей церкви Святого апостола и євангелисти Луки, парох о. Дарко Рац на Вельки штварток на 10 годзин служел Вечурню зоз Василийову Службу Божу, а вечар Утриню страсцох зоз читаньом 12 Євангелийох.
На Вельки пияток о. Рац служел Вечурню зоз покладаньом Плащанїци до гроба, хованє Христово, а всоботу служел Воскересне саночне.
На перши дзень швета, внєдзелю о. Рац служел Святочну Пасхалну Службу Божу, а госц бул монах Алойзиє Павлович з Беоґраду. После богослуженя пошвецени кошарки з пасху.
У церви було значно вецей вирних, а як нам гварел о. Рац, було и госцох зоз Вуковару и Миклошевцох.
Пондзелок после Служби Божей, на други дзень швета, по традициї було и мированє.