НОВИ САД – Пре пременку виберанковей системи, хтора тераз будзе пропорцийна, наиходзаци покраїнски виберанки буду перши на хторих представянє шицких 45 локалних самоуправох у Скупштини Войводини вецей нє будзе извесне.
Покраїнских посланїкох ше дотераз виберало по комбинованим моделу – половка зоз 120 мандатох розпоредзована на основи резултатох виберанкових лїстинох по пропорцийней системи, а половка на основи директних виберанкох по векшинскей системи у 60 виберанкових єдинкох у 45 општинох и городох АПВ.
– Постої можлївосц и обаванє, на цо спозорйоване у розправи з нагоди прилапйованя новей виберанковей системи 2014. року, же после ярнїх виберанкох вельке число локалних самоуправох нє будзе мац анї єдного представнїка у Скупштини Войводини – гварел новинар и редактор порталу vojvodjanska.rs Денис Колунджия.