ДЮРДЬОВ – Внєдзелю, 7. авґуста, у шицких штирох месних заєднїцох у општини Жабель отримани порядни виберанки за нових членох совитох месних заєднїцох (МЗ).
На виберанки у Дюрдьове вишли 1 147 гласаче, лєбо 27,11 одсто зоз 4 230 уписаних до виберацкого списку, а 11 лїстки були нєважаци.
На виберанкох у Дюрдьове участвовала лєм єдна лїстина – „За напредни Дюрдьов”, хтору потримала Сербска напредна странка, з 11 кандидатами, кельо ше и виберало до Совиту МЗ.
По перших податкох, найвецей гласи достал Душко Михелц – 825, Драґан Миланович достал 801 глас, Владо Кухар 789, Мария Тртич 744, Мирко Тривунович 737, Желько Чович 736, Велимирка Ачимов 722, Саня Дьоґо 709, Иван Михайловски 791, Нерима Шовлянски 678 и Душанка Джамбас 665 гласи.
Перша схадзка нового зволаня Совиту МЗ Дюрдьов мала би буц отримана найпознєйше седем днї по виберанкох.
