БЕОҐРАД – На схадзки Главного одбору Социялистичней партиї Сербиї (СПС) за подпредсидательох тей странки вибрани Бранко Ружич, Александар Антич, Славица Дюкич Деянович, Жарко Обрадович и Предраґ Маркович, а за почесного предсидателя СПС Милутин Мрконїч.
Як гварене, остало ище вибрац заменїка предсидателя и двох подпредсидательох странки.
Потерашня подпредсидателька и шефица посланїцкей ґрупи СПС у Скупштини Сербиї Диана Драґутинович постала предсидателька Виваршного одбору, а єй место у Скупштини завежнє Дьордє Миличевич.
Шеф виберанкового штабу СПС за локални виберанки будзе Новица Тончев, одлучене на схадзки Главного одбору. После схадзки СПС сообщел же їх кандидат за городоначалнїка Беоґраду будзе Александар Антич, а за покраїнского премиєра Душан Баятович.