Видате Препорученє за предаванє у центру Керестура

автор а. медєши
527 Опатрене

КУЛА/РУСКИ КЕРЕСТУР – На основу вимоги тарґовцох новорочних прикраскох за доставанє допущеня за предаванє на дефинованих локацийох, а пре звекшану куповну потребу гражданох општини Кула, предсидатель Штабу за позарядово ситуациї општини Кула Дамян Милянич, принєсол окремне Препорученє котре у цалосци мож пречитац на сайту Општини.

У Препорученю дати упутства заинтересованим тарґовцом новорочней декорациї. Место на хторим у Руским Керестуре допущене предаванє, находзи ше на главней улїци, опрез парку, дзе допущени два пулти.

Предаванє годно окончовац од 7 по 20 годзин од вчера, 23. децембра по 31. децембер 2020. рок. Предайни пулти нє шму буц длугши од 2 метери, а оддалєносц медзи нїма муши буц найменєй 5 метери.

На месце дзе ше предава може буц лєм єден тарґовец, опрез свойого пулту, и муши хасновац защитни средства (маску и рукавици), як и дезинфекцийне средство. Вецей од 5 особи нє шму буц на месце дзе ше робу предава, а купци муша тиж буц медзисобу оддалєни два метери. Контролу допущеньох за роботу, як и надпатранє, будзе окончовац инспекция.

ПОВЯЗАНИ ТЕКСТИ