СРИМСКА МИТРОВИЦА – Нєшка рано паноцец Владислав Варґа служел Службу Божу на 8 годзин у церкви Вознесения Господнього а, понеже по догварки же би церква була отворена кажди дзень од 8 до 9 рано, пришла и єдна младша парохиянка поклонїц ше хресту и зажадала ше запричасцац.
Парох сримскомитровицки обвисцел прейґ телефону вирних же би ше кажде рано у тот час духовно зєдинєли и модлєли молитву до Мариї котру им прешлїдзел.
Вчерайшу Хрестопоклону нєдзелю парох одслужел зоз штверима вирнима, а Микола Ляхович знїмал Службу и послал ю вирним прейґ фейсбуку.