СРИМ – У сримских парохийох у Шидзе, Беркасове и филияли у Бикичу, тирва акция збераня гуманитарней помоци за загрожених у України.
На богослуженьох през вельконоцни швета парох у Шидзе о. Михайло Режак поволал вирних же би на парохию принєсли очувани шмати и обуй хтори нє хасную. Тиж так, хто може, може принєсц и поживово продукти вигодни за транспортованє.
И у Беркасове и Бикичу парох о. Владимир Еделински Миколка, Церковни одбор и вирни збераю помоц у шматох, єдлох у конзервох, алє и пенєж хтори буду послати до України.