ШИД – У рамикох Централней шветочносци означованя Националного швета, у голу Општини Шид отворена вистава малюнкох зоз потерашнїх подобових колонийох „Руски двор“ и фотоґрафийох Ивони Торма Джамич под назву „Шидянски фарби и форми“.
Виставу отворела Ирина Гарди Ковачевич наглашуюци же ше з рока на рок на подобових виставох хтори орґанизовани у рамикох Националного швета зявюю вше квалитетнєйши малюнки у виразу и идеї.
Виложени 20 малюнки, а вибор направела Олґа Карлаварис. На вистави могло поопатрац и 15 фотоґрафиї Ивони Торма Джамич хтори приказую руски дзивки и леґиньох у народним облєчиве.
Як на отвераню вистави гварела директорка Заводу за културу войводянских Руснацох Анамария Ранкович, вистава будзе отворена по 24. януар.
Друковани и провадзаци каталоґ вистави, а пририхтали го авторка вистави Олґа Карлаварис и Ирина Гарди Ковачевич, котра написала провадзаци текст у каталоґу.
Вецей фотоґрафиї мож поопатрац у фотоґалериї.