ДЮРДЬОВ – Пред шпивацку часцу Фестивалу жридлового шпиваня „Най ше нє забудзе”, у дворе Дому култури (опрез будинку КУД „Тарас Шевченко”) у Дюрдьове вчера орґанизована и вистава з назву „Стари ремесла”, на хторей ремеселнїки на вецей штандох викладали свойо продукти.
Свойо виробки представели токар Янко Хромиш, столаре Михал и Геленка Кочиш, шицки тройо з Дюрдьова, столар и токар Мирослав Саламун з Ветернику, кушнїр Лазар Шордян з Меленцох, калапар Желько Чоканєв зоз Зренянину, як и цукрарка Миряна Миливоєв з Чурогу. Шицки виложени продукти були на предай.
Вецей фотоґрафиї у окремней ґалериї на правим боку нашого сайту.
