НОВИ САД – Пре наиходзаци швета, шлїдуюце число новинох „Руске слово” видзе на пияток, 13. мая, як двочисло, а у терашнїм, седемнастим тогорочним, рубрика „Тижньовнїк” читачом понука резултати виберанкох, як и звит з Округлого стола о Националней стратеґиї Руснацох.
Рубрика „Нашо места” ма интересанти напис о акциї „Квачки доброти”, а ту и тексти о означованю Дня планети Жеми по наших местох.
„Култура и просвита” и у тим чишлє звекшого пошвецена 48. Драмскому мемориялу Петра Ризнича Дядї у Руским Керестуре, а ту зазначени и успихи руских рецитаторох на Покраїнскей смотри, як и школярох керестурскей Школи.
„Духовни живот” понука тексти о преслави Квитней нєдзелї у дзепоєдних наших парохийох, як и звит з креативней роботнї писаня писанкох у новосадским РКЦ.
„Спорт” пише о барз нащивеним Спортским дню у Руским Керестуре, а додаток у тим чишлє „Дом и фамелия”.