РУСКИ КЕРЕСТУР – Треце тогорочне число Християнского часопису „Дзвони” вишло прешлей нєдзелї у керестурскей парохиї, дзе преславена Пасха, так же Велька ноц и єдна з главних темох марцовского числа.
„Дзвони” приноша вельконоцну винчованку нашого еґзарха, владики Георгия на руским и українским язику, а о теми Исусовей шмерци и воскреснуцу „Дзвони” пишу и у стаємних рубрикох „Стереотипи” и „Преглїбйованя”.
Ту и други порядни рубрики, як цо то „Актуалносци у вселенскей церкви”, дзе звит з нащиви митрополита Українскей грекокатолїцкей Церкви Святослава Шевчука папови Францискови, 15. предлуженє з Историї и сучасносци Каритасу, та нове предкладанє за живот по Слову живота з Євангелиї.
У нових „Дзвонох” зазначени и други подїї у наших парохийох, а наявена и Мала школа иконописательства, хтора будзе у юнию у Новим Садзе, и за хтору ше мож приявиц до Културней ради нашей новосадскей парохиї.