ШВЕТОВИ КОНҐРЕС РРЛ – Тих дньох вишло нове, треце тогорочне число културно-белетристичного часопису „Глас Русина”, хтори видава Шветови конґрес Руснацох/Русинох/Лемкох (РРЛ). Як наявене, до конца рока видзе и плановане штварте число часопису.
Попри информацийох з орґанизацийох РРЛ у европских жемох и у ЗАД, у трецим чишлє вецей тексти пошвецени учасци Русинох у Другей шветовей войни, та звити зоз схадзкох комисийох Шветового конґресу РРЛ, фестивалох и других збуваньох.
„Глас Русина” представя и новооснованє „Здруженє карпатских Руснацох” зоз шедзиском у Новим Садзе, а часопис у цалосци мож опатриц на веб-сайту Конґресу – www.rusynworldcongress.org