БЕОҐРАД – Влада Републики Сербиї усвоєла предклади за огранїчованє пошедованя оружия и наявела вименки вецей законох.
Тоти одлуки ушлїдзели после двох вельких траґедийох у Сербиї лєм за два днї. Тринацрочни хлапец у беоґрадскей школи штрелял зоз пиштоля до школярох и занятих у школи, кед страдали осмеро дзеци и роботнїк обезпеченя, док шесцеро дзеци и наставнїца ранєни. Лєм дзень познєйше загарештовани 21-рочни чловек под сумню же штрелял зоз оружия и у тим страдали осем и ранєти штернац особи зоз валалох при Младеновцу.
Министерство нукашнїх дїлох гитно пририхта вименки и дополнєня Закону о оружию и мунициї, зоз хторима би ше пооштрело условия за триманє и ношенє краткого огняного оружия, а тим цо нє виполнюю пооштрени условия будзе предвидзени обовязни одкуп оружия обявене на сайту Влади.